Cymraeg The People's Door

Bute Park Tour Label Navigation previous buttonNavigation next button

Bute Park logo

Drws y Bobl

Mae’r drws derw sy’n arwain at iard Canolfan Addysg y parc a Chaffi’r Ardd Gudd yn gampwaith celf. Neu, i fod yn fanwl, nifer o ddarnau o gelf. Ar ddechrau 2011, gwahoddwyd cerfwyr pren amatur a phroffesiynol i gyflwyno eu dyluniadau i baneli’r drws, a fyddai’n adlewyrchu treftadaeth gyfoethog y parc.

Photo of People's Door
Drws y Bobl

Dyluniwyd prif strwythur y drws, gan gynnwys y bachau haearn trymion, gan y pensaer o Gaerdydd, Michael Davies. Neilltuwyd naw panel sgwâr i enillwyr y gystadleuaeth gerfio. Ym mis Chwefror 2011, casglodd pawb ar y rhestr fer ddarn o dderw 23cm x 28cm a rhoddwyd mis iddynt gwblhau eu darn.

Yna dangoswyd y darnau mewn arddangosfa dros dro wrth i aelodau’r cyhoedd bleidleisio dros eu ffefrynnau. Yna cafodd y darnau buddugol eu hymgorffori i’r drws gan of a saer lleol. Gadewir i’r drws dreulio’n naturiol, ac mae bellach marciau adwaith cemegol rhwng tanin y derw a haearn y bachau. Mae’n cyflwyno nifer o dirnodau a straeon coll.

Fe’i gosodwyd yn ofalus ym mis Awst 2011, gan fod yn rhan bwysig o seremoni agor y ganolfan hamdden ym mis Hydref 2011.

Wyddoch chi beth yw’r stori neu’r nodwedd hanesyddol ym mhob panel? Os ydych yn rhan o’r ffordd drwy daith HistoryPoints Parc Bute, dylai fod gennych glem am rywrai ohonynt erbyn hyn!

Gweler y troednodiadau i ddarllen enwau’r cerfwyr a’r stori sy’n sail i ddelweddau’r panel.

Ble mae'r HiPoint hwn?

Troednodiadau: Yr hyn mae’r paneli’n ei ddarlunio

I barhau â thaith Parc Bute, trowch i’r chwith wrth i chi adael iard Caffi’r Ardd Gudd a cherddwch i ffwrdd o’r afon, wrth fur yr ardd. Trowch i’r dde ar ddiwedd y llwybr a throwch nôl tuag at y castell nes i chi ddod at y côd QR ar bont ar y chwith Navigation next button