Tafarn y Liverpool Arms, Conwy

button-theme-history-for-all

British Sign Language logo

Tafarn y Liverpool Arms, Stryd Porth Isaf, Conwy

Mae’r Liverpool Arms wedi’i adeiladu ar ran o furiau tref ganoloesol Conwy. Mae’r adeilad yn agos at Borth Isaf, un o’r agoriadau gwreiddiol ym muriau’r dref.

Adeiladwyd y Liverpool Arms pan oedd Conwy’n borthladd ffyniannus a chredir iddo gael ei enwi gan un o'i berchnogion cyntaf, John Jones. Roedd yn gapten ar long fach a oedd yn hwylio rhwng Lerpwl a Chonwy. Mae wedi ei gladdu ym mynwent eglwys Conwy.

Yn ôl yr hanes, mae ysbryd yn ymddangos yn y Liverpool Arms fel arwydd bod rhywun ar fin marw. Gyda’r ymddangosiadau hyn mae arogl cryf o fanila yn yr aer. Fanila oedd un o’r cargoau a laniwyd yng Nghonwy yn y canol oesoedd.

Pwyswch i glywed darlleniad o'r dudalen gan RNIB Cymru
Neu, lawrlwythwch mp3 (415KB)

Diolch i RNIB Cymru am y sain yma

Roedd yn ddyletswydd ar yr heddlu i erlyn pobl am fod yn feddw mewn tafarndai. Mewn gwrandawiad trwyddedu ym 1903, gofynnwyd am i un o fynedfeydd y dafarn gael ei chau oherwydd roedd pobl feddw yn gallu ymlwybro allan trwy ba bynnag ddrws nad oedd yr heddlu wedi ei ddefnyddio ac osgoi cael eu dal!

 Photo of Liverpool Arms and Lower Gate in 1952
Y Liverpool Arms a'r Porth Isaf ym 1952,
trwy garedigrwydd CBHC a'i wefan Coflein

Roedd y brif fynedfa o’r Stryd Fawr a’r fynedfa gefn o’r Lower Gate Street. Dywedodd Sarjant Evans "bod y cwsmer o ddosbarth gwell yn defnyddio un drws, tra bo’r dosbarth is fel y pysgotwyr a'r pedleriaid yn defnyddio’r llall”.

Mae’r llun, trwy garedigrwydd Comisiwn Brenhinol Henebion Cymru, yn dangos y dafarn a’r Stryd Fawr ym 1952. Daw o Gasgliad y Swyddfa Gwybodaeth Ganolig Cofnod Henebion Cenedlaethol Cymru.

Côd post: LL32 8BE    Map

Mae copïau o’r hen lun a delweddau eraill ar gael gan CBHC. Cyswllt: nmr.wales@rcahmw.gov.uk

Ghosts and Legends Tour Lable Navigation previous buttonNavigation next button
Wales coast path tour button Navigation anticlockwise buttonNavigation clockwise button